संगमेश्वर:- मुंबई– गोवा राष्ट्रीय महामार्गावर संगमेश्वर रेल्वेस्टेशनजवळ आज रात्री 7.30 वाजण्याच्या दरम्याने ट्रक आणि क्वाॅलीसमध्ये भीषण अपघात घडला असून दोघेजण जागीच ठार आणि 1 जण गंभीर जखमी झाला आहे.
कॉलीस गाडिचा चालक आतमध्ये अडकून पडल्याने त्याला उशीरा बाहेर काढण्यात आले, मात्र तो जागीच मृत्यू झाला तर एका महिलेचा उपचारादरम्यान मृत्यू झाला आहे. एकता दिलीप पिंपळकर (वय 22 रा. चुनाभट्टी,मुंबई ) मयूर संजय धामनस्कर (वय 32,रा. चुनाभट्टी, मुंबई ) अशी मृतांची नावे आहेत. तसेच अमोल नारायण यादव (वय 32, रा. चुनाभट्टी, मुंबई) गंभीर जखमी झाला असून त्याच्यावर संगमेश्वर ग्रामीण रुग्णालयात उपचार सूरु आहेत. या अपघातात एकूण 6 जण जखमी झाले आहेत. पोलीस घटनास्थळी दाखल झाले असून मृतांची ओळख पटविणे आणि पंचनाम्याचे काम सुरू आहे. अपघातानंतर ट्रक चालक फरारी झाला आहे.
