रत्नागिरी:- शहरानजीकच्या जांभूळ फाटा धार व मिरजोळे धार येथील रस्त्यावर एका मोटारीने दुसऱ्या मोटारीला धडक दिली. या प्रकरणी संशयित मोटार चालकाविरुद्ध शहर पोलिस ठाण्यात गुन्हा दाखल करण्यात आला आहे. अभिनय रविंद्र साळवी (वय ५०, रा. टेंभ्ये, रत्नागिरी) असे संशयित मोटार चालकाचे नाव आहे. ही घटना शनिवारी (ता. ७) दुपारी आडीचच्या सुमारास जांभूळ फाटा धार ते मिरजोळे धार रस्त्यावर घडली.
पोलिसांकडून मिळालेल्या माहितीनुसार खबर देणार शुभम शिवाजी सनगरे हे मोटार (क्र.एमएच-०८ एएक्स ०१५१) ही रत्नागिरी ते मजगाव असे जात असताना जांभूळ फाटा धार व मिरजोळे धार या ठिकाणी आले असता रत्नागिरीच्या दिशेकडे येणारा मोटार (क्र. एमएछ-४३ सीएम ५४६८) वरिल संशयित चालक अभिनय साळवी यांनी शुभम सनगरे यांच्या मोटारीला धडक दिली. अपघात केला. या प्रकरणी सहायक पोलिस फौजदार राजेंद्र सावंत यांनी शहर पोलिस ठाण्यात तक्रार दिली. तक्रारीवरुन पोलिसांनी संशयित चालकाविरुद्ध गुन्हा दाखल केला आहे. अधिक तपास शहर पोलिस अमंलदार करत आहेत.
