९ गुंठे जागेचे खरेदीखत; संशयिताविरुद्ध गुन्हा
रत्नागिरी:- नऊ गुंठे जमिनीचे खोटे दस्तऐवज तयार करुन त्या आधारे दुय्यम निबंधक कार्यालय-रत्नागिरी येथून खरेदखत तयार करुन १२ लाखांची फसवणूक करणाऱ्या संशयिताविरुद्ध शहर पोलिस ठाण्यात गुन्हा दाखल करण्यात आला आहे.
मनोज लक्ष्मण जाधव (रा. फ्लॅट नं. ए-४, ए. विंग, आकार अमृतवेल, नाचणे रोड, रत्नागिरी) असे खोटे दस्ताऐवज तयार करणाऱ्या संशयिताचे नाव आहे. ही घटना ११ डिसेंबर २०२३ ते १६ ऑगस्ट २०२४ या कालावधीत दुपारी साडेबाराच्या सुमारास दुय्यम निबंधक कार्यालय-रत्नागिरी येथे घडली.
पोलिसांकडून मिळालेल्या माहितीनुसार संशयिताने
११ डिसेंबर २०२३ ते १६ ऑगस्ट २०२४ या मुदतीत प्रसाद सुमंत साळवी, सुहासिनी सुमंत साळवी, स्मिता सुमंत साळवी यांच्या कसोप येथील सर्व्हे नं १३७ / १६ मधील ९ गुंठे जमिनीचे मुखत्यारी हक्क असलेले संशयित मनोज जाधव यांनी सर्व्हे नं. १३७ / १६ मधील नऊ गुंठे जमिनीचे खोट दस्तऐवज तयार करुन त्या आधारे दुय्यम निबंधक कार्यालय रत्नागिरी येथे खरेदीखत तयार करुन जमिनीचा व्यवाहार करुन देण्यासाठी एकूण १२ लाख रुपये स्विकारुन फिर्यादी राजेश हनुमंत कांदळकर (वय ५८, रा. कुर्ला- टर्मिनस जवळ, सी-२ अमेय सी एच. एस. नवीन टिळक नगर, चेंबुर-मुंबई (कुलमुखत्यार आदित्य राजेश कांदळकर) यांची फसवणूक केली. या प्रकरणी राजेश कांदळकर यांनी शहर पोलिस ठाण्यात तक्रार दिली. तक्रारीवरुन पोलिसांनी खोटे दस्ताऐवज तयार करुन फसवणूक करणाऱ्या संशयिताविरुद्ध गुन्हा दाखल केला आहे. अधिक तपास शहर पोलिस अमंलदार करत आहेत.
