रत्नागिरी:- शहरातील कोकणनगर येथे अज्ञात कारणातून तरुणाच्या डोक्यात बिअरची बाटली फोडण्यात आली. ही घटना मंगळवार 31 मे रोजी रात्री 8.30 वा.घडली. या प्रकरणी शहर पोलिस ठाण्यात गुन्हा दाखल करण्यात आला आहे.
हुजेर काझी व सैफ काझी (दोन्ही रा. मजगाव, रत्नागिरी) अशी गुन्हा दाखल करण्यात आलेल्या संशयितांची नावे आहेत. त्यांच्याविरोधात श्रुतिक राजेश सावंत (रा. मजगाव, रत्नागिरी) याने शहर पोलिसांकडे तक्रार दिली आहे. त्यानूसार, मंगळवारी रात्री कोकणनगर येेथे संशयितांनी श्रुतिकला फोन करुन बोलावले. श्रृतिक तिथे येताच त्यांनी त्याच्या डोक्यात बिअरी बाटली मारुन त्याला जखमी केले.याप्रकरणी अधिक तपास शहर पोलिस करत आहेत.
