रत्नागिरी:- रत्नागिरी जिल्हा देशी मद्य विक्रेता संघाच्या वतीने कोव्हिड- १९ च्या वैश्विक महामारीवर मात करण्यासाठी मुख्यमंत्री सहाय्यता निधीत दीड लाख रुपयांची मदत करण्यात आली. मदतीचा धनादेश उपजिल्हाधिकारी श्री. दत्ता भडकवाड यांच्याकडे सुपूर्द करण्यात आला.
लॉकडाउन सुरु झाल्यापासून देशी, विदेशी आणि माडी परवानाधारकांना अनेक समस्यांना तोंड द्यावे लागत आहे. शासनाच्या सर्व अटी, नियम पाळत स्वतः सह कर्मचारी आणि ग्राहकांची योग्यती काळजी घेत सोशल डिस्टंसीन मास्क सॅनिटायझर सक्ती करुन व्यवसाय सुरु ठेवण्यात आला होता. परंतु जिल्ह्यातील एकाही परवानाधारक अथवा कर्माचारी कोरोनाने बाधित झाला नाही. अशा प्रकारची महामारी कोणीही यापूर्वी अनुभवलेली नव्हती. सरकार आपापल्या पद्धतीने कोरोनाचा लढा देत आहे परंतु व्यवसायिकांनी स्वतःचे कर्तव्य समजुन संघाच्या वतीने दीड लाख इतकी रक्कम रत्नागिरी जिल्ह्याचे राज्य उत्पादन शुल्क अधीक्षक श्री. तडवी यांच्या मार्गदर्शनाखाली जिल्हाधिकारी रत्नागिरी यांच्याकडे सुपूर्द करण्यात आली. यावेळी रत्नागिरी जिल्हा देशी मद्य विक्रेता संघाचे अध्यक्ष राजीव कीर, विजय कदम, रविंद्र सुर्वे, सुनीलशेठ दाभोळकर, महेश घोसाळकर, दर्शन उर्फ बाबु पाटील, सागरशेठ सुर्वे , बाळाशेठ मयेकर, प्रकाश लब्धे, सुहास भोसले, कडवईचे रवींद्र चव्हाण आदी उपस्थित होते.
