दापोली:- अलीकडे तरुण वयातही हृदयविकाराच्या तीव्र झटक्याने मृत्यू होण्याचे प्रमाण वाढलं आहे. धावपळीच्या युगात जीवनशैलीची अनेक परिमाणे बदलली आहेत. अशीच एक दुर्दैवी घटना दापोली शहरात घडली आहे. तरुण वयातच मृत्यू झाल्याची एक दुर्दैवी घटना कोकणात दापोली शहरात घडली आहे. एका 22 वर्षीय तरुणाचा झोपेतच मृत्यू झाल्याची धक्कादायक घटना घडली आहे. दापोली शहरातील काळकाई कोंड परिसरात राहणारा सुजल संतोष तळवटकर असं या तरुणाचं नाव आहे. नेहमी आपल्या व्यवसायात मदत करणारा मेहनती असलेला महाविद्यालयात शिक्षण घेणारा कर्ता मुलगा कुटुंबाने गमावला आहे.
सुजल हा आई-वडिलांना भाजी व्यवसायात मदत करायचा. महाविद्यालयात शिक्षण घेत असलेल्या सुजल हा आपल्या आई-वडिलांच्या भाजी व्यवसायात मदत करत असे. तो मेहनती होता. मदतशील व मेहनती असलेला सुजल हा शांत व सुस्वभावी होता. नवरात्र उत्सवाच्या मिरवणुकीमध्येही तो आदल्या दिवशी आनंदाने सहभागी झाला होता. मिरवणुकीवरून घरी आल्यानंतर रात्री काही वेळ मोबाईल बघून तो झोपी गेला. मात्र, सुजल रात्री झोपला तो पुन्हा उठलाच नाही.
पोलिसांकडून मिळालेल्या माहितीनुसार, सुजल संतोष तळवटकर हा राहत्या घरी रात्री जेवण करून झोपला. तो सकाळी झोपेतून उठला नाही. म्हणून त्याचा भाचा सुजलला झोपेतून उठविण्यासाठी गेला. मात्र, त्याची हालचाल झाली नाही. म्हणून त्याला तात्काळ हॉस्पिटलमध्ये हलवण्यात आलं. दापोली शहरात जवळ असलेल्या भागवत हॉस्पीटल येथे नेण्यात आलं. तेथील डॉक्टर यांनी तपासून त्याचा मृत्यू झाल्याचं घोषित केलं. तळवळकर कुटुंबीयांना या घटनेमुळे मोठा धक्का बसला आहे. कुटुंबावर दुःखाचा मोठा डोंगर कोसळला आहे. नेहमीच हसता खेळता असलेला सुजल असा अचानकच सोडून गेल्यानं दापोली शहर परिसरातून हळहळ व्यक्त केली जात आहे. काल शनिवारी सायंकाळी त्याच्यावर दापोली शहरातील काळकाई कोंड परिसरात शोकाकुल वातावरणात अंत्यसंस्कार करण्यात आले. श्री. देवी काळकाई देवी ट्रस्ट देवस्थान, काळकाई कोंड या संस्थेकडूनही शोक व्यक्त करण्यात आला आहे. सुजय याच्या पश्चात आई-वडील, एक लहान बहीण, आजी असा मोठा परिवार आहे.
