रत्नागिरी:- सोशल मिडीयावर झालेल्या ओळखीतून फूस लावून नेऊन अल्पवयीन मुलीवर अत्याचार करणाऱ्या विवाहित तरुणाला न्यायालयाने आरोपीला २० वर्षे सक्तमजूरी व १६ हजार रुपयांचा दंड ठोठावला.
रूपेश महादेव गुरव (वय ३१, रा. लांजा-गुरववाडी) असे अल्पवयीन मुलीवर अत्याचार करणाऱ्या विवाहित तरुणाचे नाव आहे. ही घटना १ मे २०२३ या कालवधीत सोळजाई मंदिर नजीक तामनगाव आणि एअरटेल टॉवर ता. करवीर, जिल्हा कोल्हापूर येथे घडली. रुपेश गुरव हा विवाहित आहे. त्याची पिडीत अल्पवयीन मुलीशी सोशल मिडियावर मैत्री झाली होती. त्यानंतर रुपेश यांने अल्पवयीन मुलीला फुस लावून विशाळगड येथे फिरायला नेतो असे सांगून पालकांच्या अख्त्यारितून सोळजाई मंदिर-देवरुख येथून दुचाकीवरुन घेऊन कोल्हापूर येथे घेऊन गेला. त्यानंतर रात्री एअरटेल टॉवर-कोल्हापूर येथे मुलीवर लैंगिक अत्याचार केला. या प्रकरणी देवरुख पोलिस ठाण्यात तक्रार दाखल करण्यात आली होती. तक्रारीवरुन पोलिसांनी संशयिताविरुद्ध फुस लावून पळवुन नेणे, लैगिंक अत्याचार व पोक्सो अंतर्गत गुन्हा दाखल केला होता. तपास देवरुख पोलिस निरीक्षक प्रदीप पोवार करत होते. तपासात पोलिसांनी आरोपी रुपेश गुरव याला अटक केली. न्यायालयात दोषारोप पत्र दाखल केले होते. गेली दोन वर्षे तो न्यायालयीन कोठडीत होता.
मंगळवारी (ता. ११) या खटल्याचा निकाल प्रमुख जिल्हा व अतिरीक्त सत्र न्यायाधीश अनिलकुमार अंबाळकर यांच्या न्यायालयात झाला. सरकारी पक्षातर्फे ॲड. मेघना नलावडे यांनी काम पाहिले. दोन्ही पक्षातर्फे झालेल्या युक्तीवादात सरकारी पक्षातर्फे ११ साक्षीदार तपासण्यात आले. न्यायालयाने साक्षीदार आणि वैद्यकीय पुरावा ग्राह्य मानून आरोपी रुपेश गुरव याला भादवी कलम ३६३ मध्ये ३ वर्षे शिक्षा, २ हजार रुपये दंड. ३७६ मध्ये २० वर्षे शिक्षा, ५ हजार रुपये दंड. ३७६ (२) (जे) १० वर्षे शिक्षा २ हजार दंड, लैगिंक अपराधापासून बालकांचे संरक्षण कायदा २०१२ (पोक्सो) ३, ४, ७, ८ अन्वये २० वर्षे शिक्षा व ३ वर्षे शिक्षा व ५ हजार व २ हजार दंड. अशी एकूण २० वर्षे सक्षम कारावास व १६ हजार रुपयांचा दंड ठोठावला. या खटल्यात प्रमुख पैरवी म्हणून पोलिस उपनिरीक्ष योगेश खोंडे व महिला पोलिस हवालदार वर्षा चव्हाण यांनी काम पाहिले.
