रत्नागिरी:- लांजा तालुक्यातील एका अल्पवयीन मुलीच्या तोंडामध्ये टॉवेल कोंबून तच्याशी शारीरिक अत्याचार केल्याचा आरोप असलेल्या संशयिताचा जामीन अर्ज न्यायालयाने फेटाळून लावला.
संदीप दत्ताराम काटकर (३०, रा. लांजा) असे संशयिताचे नाव आहे. त्याच्याविरूद्ध लांजा पोलिसांकडून भा. दं. वि. कलम ३७६ व बालकांचे लैंगिक अपराधांपासून संरक्षण अधिनियम २०१२ (पॉक्सो) नुसार गुन्हा दाखल करण्यात आला होता.
तसेच पोलिसांकडून संशयिताला अटक करण्यात आली होती. न्यायालयीन कोठडीत असलेल्या संदीप याने जामिनावर मुक्तता होण्यासाठी जिल्हा सत्र न्यायालयापुढे अर्ज दाखल केला होता. रत्नागिरी अतिरिक्त सत्र न्यायाधीश अनिलकुमार मल्लिकार्जुन अंबाळकर यांनी जामीन अर्जावर निकाल दिला.
