रत्नागिरी:- तालुक्यातील वाटद-खंडाळा येथील आदर्शनगर वसाहत येथे मटका जुगारावर पोलिसांनी कारवाई केली. या कारवाईत साहित्यासह ४१० रुपयांचा मुद्देमाल जप्त केला आहे. जयगड पोलिस ठाण्यात संशयिताविरुद्ध गुन्हा दाखल करण्यात आला आहे.
शुभम प्रकाश चव्हाण (वय २८, रा. जुनी तांबट आळी, रत्नागिरी. सध्या वाटद-खंडाळा) असे संशयिताचे नाव आहे. ही घटना शनिवारी (ता. २८) दुपारी सव्वा बाराच्या सुमारास निदर्शनास आली. पोलिसांकडून मिळालेल्या माहितीनुसार आदर्शनगर येथे मटका जुगार सुरु असल्याची गोपनिय माहिती पोलिसांना मिळाली होती. त्याआधारे शनिवारी दुपारी पोलिसांनी कारवाई केली. या कारवाईत जुगाराच्या साहित्यासह ४१० रुपयांचा मुद्देमाल पोलिसांनी जप्त केला. या प्रकरणी पोलिस कॉन्स्टेबल शिवम आंबुलकर यांनी जयगड पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे. अधिक तपास जयगड पोलिस अमंलदार करत आहेत.
