रत्नागिरी:- चरित्रकार पद्मभूषण डॉ धनंजय कीर रत्नागिरी उपपरिसरात घेण्यात आलेल्या कॅम्पस इंटरव्ह्यूमधून रसायनशास्त्र ऑरगॅनिक विभागाच्या राकेश महाडीक या विद्यार्थ्याची निवड झाली आहे. त्याला लोटे येथील घरडा केमिकल कंपनीनेने तिन लाखांचे पॅकेज दिले आहे.
उपपरिसराच्या एमएससीच्या शेवटच्या वर्षात शिकणा-या सहा विद्यार्थ्यांची कॅम्पस इंटरव्ह्यूसाठी निवड करण्यात आली होती. या सर्व विद्यार्थ्यांच्या मुलाखती लोटे येथील घरडा केमिकल कंपनीतर्फे घेण्यात आल्या. याची व्यवस्था रत्नागिरी उपपरिसरामधील प्लेसमेंट सेल मार्फत केली होती. त्यात राकेश महाडीक या विद्यार्थ्याची निवड करण्यात आली आहे. तब्बल तीन लाखांचे पॅकेज राकेशला कंपनीने दिले. या यशाबद्दल रत्नागिरी उपपरिसराचे प्रभारी संचालक डॉ. किशोर सुखटणकर, सहाय्यक कुलसचिव अभिनंदन बोरगावे यांनी राजेश महाडीक याचे तसेच प्लेसमेंट सेल समन्वयक डॉ. विजय गुरव व सदस्यांचे अभिनंदन केले.
