रत्नागिरी:-खवले मांजराच्या खवल्यांची तस्करी करणाऱ्या एका तरुणाला सापळा रचून दहशतवादी विरोधी पथकाने मोठ्या शिताफीने मुसक्या आवळल्या. हि कारवाई हातखंबा परिसरात करण्यात आली असून नाचणे परिसरातील तरुणाला तस्करीप्रकरणी अटक केली आहे.
पोलीस अधीक्षक यांनी वन विभागाच्या अधिकाऱ्यांशी बैठक घेऊन पोलीस खाते व वन विभाग यांनी एकमेकांच्या सहयोगाने कामगिरी करण्याचे आवाहन केले होते. या योजनेचा भाग म्हणुन आज १५ जून रोजी वन विभागातील अनेक तज्ञांकडुन रत्नागिरी जिल्ह्यांच्या ३२ अधिकाऱ्यांना ऑन लाईन प्रशिक्षण देण्यात आले. या पार्श्वभुमीवर पोउनि विनायक नरवणे यांना अशी माहिती मिळाली कि हातखंबा येथून खवले मांजराची तस्करी होणार आहे. त्यानुसार त्यांनी त्यांच्या पथकासह सापळा रचला होता. याच दरम्यान एका यामाहा कंपनीच्या मोटार सायकलवरील इसमास थांबवून त्याची झडती घेतली असता त्याचकडे ३.४६४ किलो ग्रॅम खवले मांजराचे खवले मिळून आली. खवल्याची वाहतुक करणारा सचिन गजानन ढेपसे (वय ४१ वर्षे, रा. सुपलवाडी, नाचणे रत्नागिरी) यास ताब्यात घेऊन त्यांचेकडील मोटार सायकल जप्त केलेली आहे.
हि कामगिरी पोलीस अधीक्षक डॉ . मोहित कुमार गर्ग यांचे मार्गदर्शनाखाली पोउनि विनायक नरवणे, सपोफौ पांडुरंग गोरे, पोहेकॉ महेश गुरव, आशिष शेलार, राजेश भुजबळराय, परेश पाटोळे, उदय चांदणे यांनी केलेली आहे
