रत्नागिरी:- जिल्ह्यात कोरोनाच्या रुग्णांख्येत पुन्हा घट झाली आहे. मागील 24 तासात जिल्ह्यात 462 नवे पॉझिटिव्ह रुग्ण सापडले आहेत. यातील 217 रुग्ण हे आरटीपीसीआर चाचणी केलेले आहेत तर 245 रुग्ण अँटीजेन चाचणी केलेले आहेत. 24 तासात 1244 जणांचा अहवाल निगेटिव्ह आला आहे. नवे 462 रुग्ण सापडल्याने जिल्ह्याची रुग्णसंख्या 28 हजार 355 झाली आहे.
जिल्ह्यात सोमवारी 310 तर मंगळवारी 622 पॉझिटिव्ह रुग्ण सापडले होते. बुधवारी रुग्णसंख्येत पुन्हा घट झाली. हाती आलेल्या आकडेवारीनुसार जिल्ह्यात 462 नवे रुग्ण सापडले आहेत. पॉझिटिव्ह रुग्णांमध्ये 217 रुग्ण आरटीपीसीआर तर 245 रुग्ण अँटीजेन चाचणीत बाधित सापडले आहेत. जिल्ह्यातील पॉझिटिव्ह रुग्णांची संख्या आता 28 हजार 355 वर जाऊन पोहचली आहे. मागील 24 तासात 1244 जणांचा अहवाल निगेटिव्ह आला आहे. यात 439 आरटीपीसीआर चाचणी केलेल्यांपैकी तर 805 जण हे अँटीजेन टेस्ट केलेल्यांपैकी निगेटिव्ह आले आहेत.
मागील चोवीस तासात जिल्ह्यात कोरोनाने 12 रुग्णांचा बळी गेला असूूून जिल्ह्यात कोरोना बळींची संख्या 856 इतकी आहे. जिल्ह्यात मृत्यूचे प्रमाण 3.01 % आहे. आज जिल्ह्यात 863 जण कोरोनामुक्त झाले असून आतापर्यंत एकूण 22885 जण कोरोनामुक्त झाले आहेत. जिल्ह्यात बरे होण्याचे प्रमाण 80% आहे. जिल्ह्यात एकूण 4814 कोरोना बाधितांवर उपचार सुरु आहेत.
