रत्नागिरी:- मच्छीमारी बोटीवर काम करण्यासाठी आगावून ५ लाख ४० हजार रुपये घेऊन फसवणूक केली. या प्रकरणी संशयिताविरुद्ध शहर पोलिस ठाण्यात गुन्हा दाखल कऱण्यात आला आहे. दीपक बाबू तांडेल असे संशयिताचे नाव आहे. ही घटना ६ मार्च ते ८ नोव्हेंबर २०२३ या कालावधीत रत्नागिरीत घडली.
पोलिसांकडून मिळालेल्या माहितीनुसार फिर्यादी नासीर अब्दूल गनी वाघू यांनी संशयित दीपक तांडेल याला २०२३-२४ वर्षाकरिता मच्छीमारी बोटीवर काम करण्यासाठी आगावू ५ लाख ४० हजाराची रक्कम दिली होती. मात्र संशयित स्वतः व इतर कामगार यांच्यासह कामावर आले नाही. तसेच दिलेली रक्कम ही परत न करता फसवणूक केली. या प्रखरणी नासीर वाघू यांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे. अधिक तपास शहर पोलिस अमंलदार करत आहेत.
