रत्नागिरी:- पोलीस असल्याची बतावणी करत महिलेकडून एकूण 1 लाख 40 हजार मंगळसूत्र व सोन्याच्या बांगडया घेऊन फसवणूक केली. याप्रकरणी दोन संशयितांविरोधात शहर पोलीस ठाण्यात गुन्हा दाखल करण्यात आला आहे. ही घटना शनिवार 7 मे रोजी सायंकाळी 5.45 वा.धन्वंतरी हॉस्पिटलजवळ घडली.
याबाबत श्रद्धा शिवाजी पावसकर (62,रा.आरोग्य मंदिर, रत्नागिरी ) यांनी पोलिसांकडे तक्रार दिली आहे. त्यानुसार,शनिवारी सायंकाळी त्या नेहमीप्रमाणे आरोग्य मंदिर ते नरहर वसाहत अशा चालत जात होत्या. त्या धन्वंतरी हॉस्पिटलजवळील फोम वॉश रॅम्प येथे दोन अज्ञातांनी त्यांना पाठीमागून हाक मारली. आपण पोलीस असल्याचे सांगत त्यांनी श्रद्धा पावसकर यांच्याकडील
मंगळसूत्र व सोन्याच्या 2 बांगडया घेऊन बदल्यात धातूच्या बांगड्या कागदात बांधून त्यांना देत फसवणूक केली.अधिक तपास पोलीस उपनिरीक्षक भोसले करत आहेत.
