पावस:- पावस बाजारपेठ येथे पुलाच्या पायऱ्यावरील मटका जुगारावर पोलिसांनी कारवाई केली. या कारवाईत साहित्यासह ९६० रुपयांचा मुद्देमाल जप्त केला. पुर्णगड सागरी सुरक्षा पोलिस ठाण्यात संशयिताविरुद्ध गुन्हा दाखल करण्यात आला आहे. स्वप्नील महादेव डोंगरे (३८,रा. पावस
गोडबोलेवाडी, रत्नागिरी) असे संशयिताचे नाव आहे. ही घटना गुरुवारी (ता. ७) पावणेचारच्या सुमारास पावस बाजारपेठ येथील मारुती मंदिर परिसरात मोकळ्या जागेत पुलाच्या पायऱ्यावर निदर्शनास आली.
पोलिसांकडून मिळालेल्या माहितीनुसार पोलिसांनी केलेल्या कारवाई संशयिताकडे विनापरवाना मटका-जुगाराचे साहित्यासह ९६० रुपयांचा मुद्देमाल सापडला. या प्रकरणी पोलिस हेड कॉन्स्टेबल प्रशांत पाटील यांनी पुर्णगड पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.
