रत्नागिरी:- पांढरा समुद्र येथील वाळू चोरी केल्याची घटना 9 मे 2022 रोजी घडली होती. यावेळी पोलिसांकडून वाळूसह झेनॉन पिकअप गाडी ताब्यात घेतली होती. मात्र वाळू चोरी करणारा संशयित फरार झाला होता. याप्रकरणी शहर पोलिसांत गुन्हा दाखल करण्यात आला होता.
दरम्यान शहर पोलिसांकडून सोमवारी 13 जून रोजी संशयिताला अटक करण्यात आली. योगेश जनार्दन मोकारी (21, ऱा नाचणे शांतीनगर रत्नागिरी) असे अटक करण्यात आलेल्या संशयिताचे नाव आहे. सोमवारी त्याला न्यायालयापुढे हजर करण्यात आले असता त्याची रवानगी न्यायालयीन कोठडीत करण्यात आली आहे.
