रत्नागिरी:- तालुक्यातील चाटवळवाडी-देऊड येथील अंगणवाडीच्या समोर मद्यपान करणाऱ्या वृद्धाविरुद्ध ग्रामीण पोलिस ठाण्यात गुन्हा दाखल करण्यात आला आहे. दिवाकर दत्तात्रय शेवडे (वय ६२, रा. चाटवळवाडी-देऊड, रत्नागिरी) असे संशयित वृद्धाचे नाव आहे. ही घटना रविवारी (ता. २०) दुपारी साडेबाराच्या सुमारास देऊड-चाटवळवाडी येथे निदर्शनास आली.
पोलिसांकडून मिळालेल्या माहितीनुसार संशयित वृद्ध दिवाकर शेवडे हे सार्वजनिक ठिकाणी मद्यपान करत असताना सापडले. या प्रकरणी महिला हेड कॉन्स्टेबल प्रिया सुर्वे यांनी ग्रामीण पोलिस ठाण्यात तक्रार दिली. तक्रारीवरुन पोलिसांनी संशयित वृद्धा विरुद्ध गुन्हा दाखल केला आहे.
