रत्नागिरी:- नव्याने आलेल्या अहवालानुसार जिल्ह्यात 867 अहवालांमध्ये 7 पॉझिटिव्ह रुग्ण सापडले आहेत. 24 तासात एकाही रुग्णाचा उपचारा दरम्यान मृत्यू झालेला नाही. जिल्ह्यात सद्यस्थितीत 30 रुग्ण उपचारखाली आहेत.
जिल्ह्यात 24 तासात 3 रुग्ण कोरोनामुक्त झाले आहेत. आतापर्यंत 76 हजार 639 रुग्ण उपचाराअंती बरे झाले आहेत. जिल्ह्यात कोरोनामुक्तीचे प्रमाण वाढून 96.82 टक्के आहे. नव्याने 7 पॉझिटिव्ह रुग्ण सापडल्याने एकूण बाधित रुग्णसंख्या 79 हजार 159 इतकी झाली आहे.
जिल्ह्यात आतापर्यंत 2 हजार 490 जणांचा कोरोनाने मृत्यू झाला आहे. जिल्ह्याचा मृत्युदर 3.1 टक्के आहे. जिल्ह्यात गृह विलगीकरणात 18 तर संस्थात्मक विलगीकरणात 12 रुग्ण उपचार घेत आहेत.
