रत्नागिरी:- जिल्ह्यात कोरोना बाधित रुग्ण सापडण्याचे प्रमाण कमी होत आहे. मागील चोवीस तासात जिल्ह्यात 35 जणांचे कोरोना अहवाल निगेटिव्ह आले आहेत तर केवळ 7 पॉझिटिव्ह रुग्ण सापडले आहेत. कोरोना रिकव्हरी रेट 93.26 टक्क्यांवर पोहोचला आहे ही जिल्हावासियांसाठी दिलासादायक बाब आहे.
दिवसेंदिवस रुग्ण सापडण्याचे प्रमाण मोठ्या संख्येने घटत आहे. शुक्रवारी आलेल्या अहवालानुसार जिल्ह्यात केवळ 7 पॉझिटिव्ह रुग्ण सापडले आहेत. नव्याने आलेल्या अहवालानुसार संगमेश्वर 1, चिपळूण 2 आणि रत्नागिरी तालुक्यातील 4 रुग्णांचा समावेश आहे. यानंतर जिल्ह्यातील एकूण कोरोनाबाधितांची संख्या 8 हजार 449 वर पोहोचली आहे.
शुक्रवारी आलेल्या अहवालानुसार जिल्ह्यात 35 जणांचे कोरोना अहवाल निगेटिव्ह आले आहेत. जिल्ह्यात आतापर्यंत 48 हजार 748 जणांचे अहवाल निगेटिव्ह आले आहेत. शुक्रवारी 31 जणांनी कोरोनावर मात केली असून आतापर्यंत 8 हजार 449 पैकी 7 हजार 880 जण कोरोनामुक्त झाले आहेत. कोरोना रिकव्हरी रेट 93.26 टक्के आहे. रत्नागिरी जिल्ह्यात २४ तासांत एकाही कोरोनाबाधिताच्या मृत्यूची नोंद झालेली नाही.
