रत्नागिरी:- शहरातील गाडीतळ ते गोखलेनाका रस्त्यावर बंद टिपरीच्या आडोशाला विनापरवाना मटका-जुगारावर पोलिसांनी कारवाई केली. या कारवाईत साहित्यासह ७ हजार ७५७ रुपयांचा मुद्देमाल पोलिसांनी जप्त केला. शहर पोलिस ठाण्यात संशयिताविरुद्ध गुन्हा दाखल कऱण्यात आला आहे. नरेंद्र गणपत सावंत (वय ५८, रा. फणसोप-भिमनगर, रत्नागिरी) असे संशयिताचे नाव आहे. ही घटना मंगळवारी (ता. १७) दुपारी दीडच्या सुमारास गोखलेनाका येथील एका लॉजच्या बाजूला बंद टपरीच्या आडोशाला निदर्शनास आली.
पोलिसांकडून मिळालेल्या माहितीनुसार गोखले नाका येथे विनापरवाना मटका-जुगार सुरु असल्याची गोपनिय माहिती पोलिसांना मिळाली होती. त्या आधारे पोलिसांनी कारवाई केली. या कारवाईत ७ हजार ७५७ रुपयांचा मुद्देमाल जप्त केला. या प्रकरणी पोलिस हेड कॉन्स्टेबल आशिष भालेकर यांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.
