रत्नागिरी:-रत्नागिरी शहरानजिकच्या खेडशी येथील बंद घर अज्ञात चोरट्याने फोडले. यावेळी घरातील सोन्याचे दागिने आणि लॅपटॉप असा एकूण ७३ हजार रुपयांचा मुद्देमाल लांबवला.
पोलिसांनी दिलेल्या माहितीनुसार, ही घटना २६ मे रोजी रात्री ८ ते २९ मे रोजी दुपारी १२ वा. या कालावधीत घडली आहे. याबाबत मनोज गणपत पवार (५४, रा.खेडशी, रत्नागिरी) यांनी ग्रामीण पोलीस ठाण्यात तक्रार दिली आहे.
त्यांनी दिलेल्या तक्रारीनुसार, ते कुटुंबियांसोबत बाहेर गावी गेले होते. या संधीचा फायदा उठवत अज्ञाताने त्यांच्या घराच्या दरवाजाचा कडी कोयंड उचकटून ५५ हजार रुपयांचे सोन्याचे दागिने आणि १८ हजार रुपयांचा लॅपटॉप असा एकूण ७३ हजार रुपयांचा मुद्देमाल चोरून नेला. याबाबत अधिक तपास ग्रामीण पोलीस करत आहेत.
