गुजरात पोलीसांचे पथक रत्नागिरीत: आरोपी जेलमध्ये
रत्नागिंरी:- एका महिलेच्या माध्यमातून रत्नागिरीतून अहमदाबादला अंमली पदार्थांचा पुरवठा झाल्याचे पुढे आले आहे. यातील आरोपींच्य शोधासाठी गुजरात पोलीसाचे पथक रत्नागिरीत दाखल झाले आहे. मात्र रत्नागिरी पोलीसांनी या प्रकरणातील एकाला दि.१८ फेब्रुवारीला अटक केली होती. तो सध्या न्यायालयीन कोठडीत आहे.
गुजरात राज्यातील अहमदाबाद येथील नावरंगपुरा पोलिसांनी अंमली पदार्था विरोधात मोठी कारवाई केली होती. याप्रकरणी जयजायलो हेमंतकुमार देसाई (रा. अंबाडी, जिल्हा सुरेंद्रनगर) याला दि. २० फेब्रुवारीला अहमदाबाद पोलिसांनी अटक केली होती. त्याच्याकडून मोठ्याप्रमाणात अंमली पदार्थ हस्तगत करण्यात आले होते. त्याला अंमली पदार्थांचा पुरवठा कोणाकडून झाला याबाबत गुजरात पोलिसांनी त्याच्याकडे चौकशी केली असता राजश्री प्रवीणचंद्रा देसाई हिच्यासोबत त्याने गुन्हा केल्याची कबुली दिली होती तसेच राजश्री हिने हे ड्रग्ज अब्दुल मार्टीन उर्फ हसनमिया डोंगरकर (रा. कर्ला, रत्नागिरी) यांच्याकडून आणल्याचे गुजरात पोलिसांना सांगितले होते.
या माहितीच्या आधारे गुजरात पोलिसांची एक टीम डोंगरकर याच्या शोधात सोमवारी रत्नागिरीत दाखल झाली. शहर पोलीस स्थानकात त्यांनी पोलीस निरीक्षक विनीत चौधरी यांची भेट घेऊन त्यांना गुन्ह्याबाबत माहिती दिली. या आरोपीला अटक करण्यासाठी शहर पोलिसांची मदत गुजरात पोलिसांनी मागितली.
ज्यावेळी आरोपीचे नाव गुजरात पोलिसांनी सांगितले त्यावेळी गुजरात पोलिसांना हवा असलेला आरोपी गुन्हा रजिस्टर नं. ३८/२३ एनडीपीएस अ@क्ट ८(क) २२ (अ) अन्वये शहर पोलिसांनी त्याला दि. १८ फेब्रुवारी रोजी अटक केली तसेच हा संशयित आरोपी सध्या न्यायालयीन कोठडीत असल्याची माहिती रत्नागिरी पोलिसांनी गुजरात पोलिसांना दिली.
न्यायालयीन कोठडीत असलेल्या आरोपीचा ताबा घेण्यासाठी आता गुजरात पोलीस रत्नागिरी न्यायालयात अर्ज करणार असून न्यायालयाच्या आदेशानंतर या आरोपीचा ताबा गुजरात पोलिसांना मिUणार असल्याची माहिती पुढे आली आहे.
