रत्नागिरी:- रत्नागिरी शहरातील रहाटाघर येथे पादचारी वृध्दाला पाठीमागून धडक देऊन रिक्षा चालक फरार झाला. या अपघात प्रकरणी अज्ञात रिक्षा चालकाविरोधात शहर पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, अपघाताची ही घटना रविवार १८ डिसेंबर रोजी सकाळच्या सुमारास घडली. याबाबत अन्नाप्पा चन्नाप्पा शिंदे ( ७०, रा. खडपेवठार, रत्नागिरी ) यांनी शहर पोलिस ठाण्यात तक्रार दिली. ते रविवारी सकाळी ते रहाटाघर येथून जात होते. त्यावेळी त्यांच्या पाठीमागून भरधाव वेगाने आलेल्या रिक्षेची त्यांना धडक बसली. त्यामुळे ते रस्यावर पडून त्यांच्या हाता – पायांना दुखापत झाली. दरम्यान, अपघात झाल्यानंतर रिक्षा चालकाने पळ काढला असून याप्रकरणी अधिक तपास शहर पोलिस करत आहेत.
