रत्नागिरी:- कदम फाऊंडेशन अपेडे या संस्थेने जागतिक पर्यावरण दिनानिमित्त जिल्हास्तरीय चित्रकला स्पर्धेचे आयोजन करण्यात आले होते. या स्पर्धेत तब्बल 365 विद्यार्थांनी सहभाग घेतला होता. या स्पर्धेचा निकाल नुकताच जाहीर करण्यात आला आहे. तीन गटात प्रत्येकी तीन याप्रमाणे निकाल जाहीर करण्यात आला.
जागतिक पर्यावरण दिनानिमित्त कदम फाऊंडेशन अपेडे संस्थेने विद्यार्थ्यांसाठी जिल्हास्तरीय चित्रकला स्पर्धेचे आयोजन करण्यात आले होते. तीन गटात ही स्पर्धा घेण्यात आली. या स्पर्धेचे परीक्षण विनय माळी, रमेश गाढवे, श्री. मृदुल मानकामे यांनी पाहिले.
या स्पर्धेच्या निकालात पहिल्या गटात यती बाळाराम खेडेकर, रोटरी इंग्लिश मिडीयम स्कूल खेड ही विजेती ठरली. तर आर्या रूपेश शिंदे, गंगाधर गोविंद पटवर्धन इंग्लिश मिडीयम स्कूल लांजा ही द्वितीय तर आर्वी प्रशांत लोंढे माय छोटा स्कूल रत्नागिरी ही तृतीय विजेती ठरली.
दुसऱ्या गटात त्रिवेणी चंद्रकांत गमरे रोटरी इंग्लिश मिडीयम स्कूल खेड ही प्रथम, सारा योगेश वनकर झेड. पी. शाळा क्रमांक. ४ संगमेश्वर ही द्वितीय तर अनन्या निलेश दोंदे रोटरी इंग्लिश मिडीयम स्कूल खेड ही तृतीय क्रमांकासाठी निवड झाली.
तिसऱ्या गटात विघ्नेश विवेक आचार्य गोविंदराव निकम कॉलेज सावर्डे हा प्रथम, श्रावणी चंद्रशेखर पवार जी.जी.पी इंग्लिश मिडीयम स्कूल रत्नागिरी ही द्वितीय आणि ऋषभ हर्षद कोतवडेकर आर. बी. शिर्के रत्नागिरी याला तृतीय क्रमांक पटकावला.
या स्पर्धेचा पारितोषिक वितरण सोहळा 4 जुलै रोजी ऑनलाइन पद्धतीने झाला. प्रथम क्रमांक विजेत्यास 1000 रु. द्वितीय 700 रु. आणि तृतीय क्रमांक विजत्या स्पर्धकाला प्रत्येकी 500 रुपये देऊन गौरविण्यात आले.
