रत्नागिरी:- मुंबई – गोवा महामार्गावरील निवळी घाटात सीएनजी गॅस घेऊन जाणारा टँकर उलटला. अपघाताची ही घटना शुक्रवारी दुपारी घडली. टँकर उलटल्यानंतर महामार्गावर एकेरी वाहतूक सुरु ठेवण्यात आली होती. अपघाताची माहिती मिळताच पोलिसांनी घटनास्थळी धाव घेऊन मदत कार्य सुरु केले.
जयगड येथून सीएनजी गॅस घेऊन हा टँकर मुंबईच्या दिशेने जात होता. महामार्गावरील निवळी घाटात हा टँकर आला असता चालकाचे नियंत्रण सुटले आणि टँकर महामार्गाच्या बाजूला उलटला. टँकर उलटल्यानंतर महामार्गावर काहीकाळ वाहतूक ठप्प झाली होती. टँकरमधून गॅस लिक होत नसल्याची खात्री करून महामार्गावरील एकेरी वाहतूक सुरू करण्यात आली. अपघाताची माहिती मिळताच पोलिसांनी देखील घटनास्थळी धाव घेतली.
