जिल्ह्यात कोरोनाबाधितांची संख्या अकराशे पार 

24 तासात 34 नवे रुग्ण; जिल्ह्यात एकूण 41 कोरोना बळी

रत्नागिरी:- मागील 24 तासात  प्राप्त अहवालांमध्ये 34 नवे  पॉझिटिव्ह रुग्ण आढळून आले आहेत. यामुळे एकूण पॉझिटिव्ह रुग्णांची संख्या 1 हजार 164 झाली आहे. दरम्यान 26 रुग्णांना बरे झाल्यानंतर घरी सोडण्यात आले. यामुळे बरे झालेल्या रुग्णांची संख्या 708  झाली आहे. 

शनिवारी बरे झालेल्यांमध्ये जिल्हा कोव्हीड रुग्णालय येथून 13, कोव्हिड केअर सेंटर घरडा, लवेल येथून 5,उपजिल्हा रुग्णालय कामथे 3, कोव्हीड केअर सेंटर केकेव्ही, दापोली 1 आणि 4 समाजकल्याण रत्नागिरी मधील आहेत.
 

नव्याने सापडलेल्या पॉझिटिव्ह रुग्णांमध्ये जिल्हा कोव्हीड रुग्णालय रत्नागिरी येथील 14 रुग्ण, घरडा खेड येथील 16 (यामुळे घरडा केमिकल्स मधील एकूण पॉझिटिव्हची संख्या 98 झाली), ॲन्टीजेन टेस्ट झालेले 4  रुग्ण आहेत.   

दापोली येथील एका कोरोना पॉझिटिव्ह रुग्णाचा आज उपचार दरम्यान मृत्यु झाला. सदरचा रुग्ण रत्नागिरी येथे ॲडमिट होता. त्यामुळे कोरोना बाधित मृत्यूंची संख्या आता 41 झाली आहे.