रत्नागिरी:- सार्वजनिक ठिकाणी मद्य प्राशन करणाऱ्या तरुणाविरुद्ध ग्रामीण पोलिस ठाण्यात गुन्हा दाखल करण्यात आला आहे. इमरान महमदअल्ली मुल्ला (वय ३२) असे मद्य प्राशन करणाऱ्या तरुणाचे नाव आहे. ही घटना बुधवारी (ता.२७) रात्री साडेआठच्या सुमारास उद्यमनगर चंपक मैदान येथे निदर्शनास आली.
पोलिसांकडून मिळालेल्या माहितीनुसार संशयित तरुण उद्यमनगर-चंपक मैदान येथील रस्त्याच्या बाजूला मद्य प्राशन करत असताना आढळला. या प्रकरणी पोलिस बाळू गित्ते यांनी ग्रामीण पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.
