रत्नागिरी:- कोकण रेल्वे मार्गी धावणार्‍या दोन एक्स्प्रेस गाड्यांना दि. 7 नोव्हेंबरपासून स्लिपर श्रेणीचा प्रत्येकी 1 अतिरिक्त डबा जोडण्यात येणार आहे. गांधीधाम -तिरुनेलवेली तसेच भावनगर – कोचुवेली या दोन गाड्यांचा यामध्ये समावेश आहे.
दिवाळीमुळे कोकण रेल्वे मार्गावरून गाड्यांना गर्दी होऊ लागल्याने नियमित गाड्यांना जादा डबे जोडले जात आहेत. यानुसार गांधीधाम तिरुनेलवेली या गाडीला दि. 7 नोव्हेंबर रोजी तर भावनगर -कोचुवेली या गाडीला दि. 8 नोव्हेंबरच्या फेरीसाठी स्लिपर श्रेणीचा अतिरिक्त डबा जोडला जाणार आहे.
