गुहागर:- गुहागर मध्ये आज दोन बसची समोरासमोर धडक बसून मोठा अपघात झाला. या अपघातात 25 ते 30 प्रवासी जखमी झाले आहेत. जखमींमध्ये शाळकरी विद्यार्थ्यांचाही समावेश आहे. या धडकेत दोन्ही बसचे चालक गंभीर जखमी झाले असून त्यांना आरजीपीपीएलच्या रुग्णालयात दाखल केले आहे.
चिपळूण धोपावे बस आणि गुहागर आगाराची बस अवघड वळणावर समोरासमोर धडकल्या. या अपघातानंतर मुसळधार पावसामुळे बचाव कार्यात अडथळे निर्माण होत आहेत. गुहागर पोलीस आणि स्थानिक ग्रामस्थांच्या मदतीने बचाव कार्य सुरु आहे.
