रत्नागिरी:- दोन दिवस सातत्याने वाढणाऱ्या रुग्णसंख्येला सोमवारी ब्रेक लागला. नव्याने आलेल्या अहवालानुसार जिल्ह्यात कोरोना बाधितांच्या संख्येत काहीअंशी घट झाली आहे. 24 तासात 64 पॉझिटिव्ह रुग्ण सापडले आहेत. 24 तासात एकाही रुग्णाचा उपचारा दरम्यान मृत्यू झाला नसून जिल्ह्यात सद्यस्थितीत 514 पॉझिटिव्ह रुग्ण उपचारखाली आहेत.
जिल्ह्यात 24 तासात 81 रुग्ण कोरोनामुक्त झाले आहेत. आतापर्यंत 76 हजार 877 रुग्ण उपचाराअंती बरे झाले आहेत. जिल्ह्यात कोरोनामुक्तीचे प्रमाण 96.23 टक्के आहे. नव्याने 64 पॉझिटिव्ह रुग्ण सापडल्याने एकूण बाधित रुग्णसंख्या 79 हजार 891 इतकी झाली आहे.
जिल्ह्यात आतापर्यंत 2 हजार 492 जणांचा कोरोनाने मृत्यू झाला आहे. जिल्ह्याचा मृत्युदर 3.1 टक्के आहे. जिल्ह्यात गृह विलगीकरणात 404 तर संस्थात्मक विलगीकरणात 110 रुग्ण उपचार घेत आहेत.
