मंडणगड:- तालुक्यातील टाकेडे गावठाणवाडी येथील सार्वजनिक विहिरीत पोहताना बुडून एका २५ वर्षीय तरुणाचा दुर्दैवी मृत्यू झाला. प्रज्योत प्रदिप जाधव असे मृत तरुणाचे नाव आहे. ही घटना १२ मे रोजी दुपारी 2 च्या सुमारास घडली.
पोलिसांनी दिलेल्या माहितीनुसार, प्रज्योत जाधव हा त्यांच्या मुलांसोबत टाकेडे गावठाणवाडी येथील सार्वजनिक विहिरीत पोहण्यासाठी गेला होता. पोहताना अचानक पाण्यात बुडाला. काही वेळानंतर याची माहिती मिळताच ग्रामस्थांनी धाव घेत त्याला विहिरीतून बाहेर काढले, परंतु तोपर्यंत त्याचा मृत्यू झाला होता.
या घटनेची नोंद मंडणगड पोलीस ठाण्यात आकस्मिक मृत्यू म्हणून करण्यात आली आहे. पोलिसांनी घटनास्थळाचा पंचनामा केला असून, पुढील तपास सुरू आहे. प्रज्योत जाधव हे मूळचे नालासोपारा येथील असून, सध्या ते टाकेडे येथे वास्तव्यास होते.
