रत्नागिरी:- तालुक्यातील पावस बाजारपेठ येथील अंतर्गत रस्त्यात सार्वजनिक ठिकाणी मद्यप्राशन करणार्‍या दोघांविरोधात पूर्णगड पोलिस ठाण्यात गुन्हा दाखल करण्यात आला आहे. ही कारवाई बुधवार 2 ऑक्टोबर रोजी रात्री 8.50 ते 9.10 वा. कालावधीत करण्यात आली.
अनिल दशरथ पावसकर (रा.पावस खारवीवाडा, रत्नागिरी) आणि प्रसन्न एकनाथ भाटकर (रा.पावस भाटीवाडी, रत्नागिरी) अशी गुन्हा दाखल करण्यात आलेल्या दोन संशयितांची नावे आहेत. हे दोघेही त्यांच्याकडे दारु पिण्याचा कोणताही परवाना नसताना सार्वजनिक ठिकाणी दारु पिण्यासाठी बसलेले असताना ही कारवाई करण्यात आली. त्यांच्या विरोधात महाराष्ट्र दारुबंदी अधिनियम 1949 कलम 84 प्रमाणे गुन्हा दाखल करण्यात आला आहे.
