रत्नागिरी:- सार्वजनिक ठिकाणी मद्य प्राशन करणाऱ्या उत्तरप्रदेशातील तरुणाविरुद्ध शहर पोलिस ठाण्यात गुन्हा दाखल करण्यात आला आहे. पवन तुलाराम अहिरवार (वय २२, रा. शांतीनगर, नाचणे, मुळ: जि. महोबा. थाना-श्रीनगर, गाव पावामुरानी, उत्तरप्रदेश) असे संशयिताचे नाव आहे. ही घटना शनिवारी (ता. ५) सायंकाळी साडेसातच्या सुमारास मांडवी किनारी निदर्शनास आली.
पोलिसांकडून मिळालेल्या माहितीनुसार संशयित मांडवी येथील सार्वजनिक ठिकाणी मद्य प्राशन करत असताना आढळला. या प्रकरणी पोलिसांनी शहर पोलिस ठाण्यात तक्रार दिली. तक्रारीवरुन पोलिसांनी संशयिताविरुद्ध गुन्हा दाखल केला आहे.
