रत्नागिरी:- शहरानजीकच्या कारवांचीवाडी येथील ६ महिन्यांची गर्भवती असलेल्या महिलेचा जिल्हा रुग्णालय येथे उपचारादरम्यान मृत्यू झाला. उजमा मुबीन खोत (३०) असे मृत महिलेचे नाव आहे. उजमा यांना अचानक त्रास होवू लागल्याने नातेवाईकांनी जिल्हा रुग्णालय येथे उपचारासाठी दाखल केले होते. २६ ऑगस्ट रोजी सकाळी ५.२० वाजता उजमा यांचा मृत्यू झाला.
उजमा या सहा महिन्यांच्या गर्भवती होत्या. २५ ऑगस्ट रोजी रात्री ८ वाजण्याच्या सुमारास त्यांना पोटदुखीचा त्रास जाणवू लागला. यावेळी नातेवाईकांनी त्यांना उपचारासाठी जिल्हा शासकीय रुग्णालय येथे दाखल केले होते. या ठिकाणी उपचार सुरु असताना २६ ऑगस्ट रोजी सकाळी ५.२० वाजण्याच्या सुमारास उजमा यांचा मृत्यू झाला, अशी नोंद शहर पोलिसात करण्यात आली आहे. पोलिसांकडून या प्रकरणी पुढील तपास करण्यात येत आहे.
