रत्नागिरी:- शहरातील शेट्ये नगर येथे सिलेंडरचा स्फोट होऊन घराला आग लागली. सिलेंडरचा अचानक स्फोट झाल्याने आग लागल्याचे बोलले जात आहे. बुधवारी सकाळी पाच वाजण्याच्या सुमारास ही दुर्घटना घडली. अवघ्या काही मिनिटांत आगीने रुद्रावतार धारण केला. या आगीत चारजण जखमी झाले असून घरात दोन जण अडकल्याची भीती आहे. या दोघांना वाचवण्यासाठी रेस्क्यू ऑपरेशन हाती घेण्यात आले आहे. आगीवर नियंत्रण मिळवण्यासाठी रनप कर्मचारी आणि स्थानिक ग्रामस्थ मदत करत होते.
