साखरपा:- संगमेश्वर तालुक्यातील साखरपा देवरुख मार्गावर सध्या वाघाची दहशत पसरली असून भीतीचे वातावरण निर्माण झाले आहे. शनिवार सकाळची शाळा असल्याने मंगेश बुधाजी घागरे हे आपल्या दुचाकीने साखरपा ते मोर्डे असे जात असताना मोर्डे खिंडीजवळ दबा धरून बसलेल्या वाघाने मंगेश घागरे यांच्या दुचाकीचा पाठलाग केला.
दैव बलवत्तर म्हणून घागरे यांचे प्राण वाचले. याआधी देखील या परिसरात वाघाने गुरे फस्त केली आहेत. त्यामुळे वाघाची दहशत साखरपा देवरुख मार्गावर पसरली असून वनखात्याने पिंजरा लावण्याची विनंती ग्रामस्थांकडून करण्यात येत आहे.
