अपघातानंतर लागलेल्या आगीत कंटेनर जळून खाक
लांजा:- मुंबईहून गोव्याच्या दिशेने जाणारा कंटेनर वाकेड घाटातील अवघड वळणावर खोल दरीत कोसळून या कंटेनरने पेट घेतल्याची घटना घडली असून कंटेनरचालक आणि क्लिनर जखमी झाले आहेत. शुक्रवारी रात्री दहा वाजता घडली आहे.
मिळालेल्या माहितीनुसार, मुंबई- गोवा महामार्गावर गोव्याच्या दिशेने निघालेल्या कंटेनर वाकेड घाटातील अवघड वळणावर पलटी झाला. अपघाताची माहिती मिळताच स्थानिकांनी घटनास्थळी धाव घेत गंभीर जखमी असलेल्या ड्रायव्हर आणि क्लिनरला कंटेनरमधून बाहेर काढले. दरम्यान कंटेनरला आग लागली असता आगीवर नियंत्रण मिळवण्यासाठी महामार्ग ठेकेदार, राजापूर अग्निशमन दलाचे बंब घटनास्थळी दाखल झाले. आगीवर नियंत्रण मिळविण्यासाठी शर्थीचे प्रयत्न केले पण लागलेल्या भीषण आगीत कंटेनर जळून खाक झाला.
घटनेची माहिती मिळताच लांजा पोलिस स्टेशन मिळताच सहाय्यक पोलिस उपनिरीक्षक भालचंद्र रेवणे, सहाय्यक उपनिरीक्षक अरविंद कांबळे,पोलिस नितेश राणे,शिवाजी कळंत्रे यांनी घटनास्थळी धाव घेतली.
