हिंदुराष्ट्र सेना व श्री शिवप्रतिष्ठान हिंदुस्थान यांचा गोतस्करांना दणका
रत्नागिरी:- वसुबारसच्या दिवशी होणारी गोमतेची तस्करी हिंदुराष्ट्र सेना व श्री शिवप्रतिष्ठान हिंदुस्थान यांनी रोखत गोतस्करांना दणका दिला. दाभोळे येथे ही घटना उघड झाली असून गोतस्करांवर कठोर कारवाई करण्याची मागणी करण्यात आली आहे.
दाभोळे गावानजिक गाडी नं (एमएच-11- एजी- 4379) ही गाडी गोवंश घेऊन जात असल्याची माहीती हिंदुराष्ट्र सेना व श्री शिवप्रतिष्ठान हिंदुस्थानच्या कार्यकर्त्यांना मिळाली. ही माहिती मिळताच कार्यकर्ते तिथे पोहचले व गाडी पकडली. या गाडीत दोन गाई व एक वासरु असा गोवंश बेकायदेशिररित्या वाहतुक करताना सापडला. सदर गोवंश व चालक सोनी यास पोलीसांच्या ताब्यात देण्यात आले. त्याचे दोन साथिदार फरार झाले. सदर व्यक्तिवर गुन्हा नोंद झाला असुन. गुन्हा नोद होत असतानाच पोलीस चेक पोस्ट मुर्शी समोरुनच दुसरी गाडी गुरे घेऊन जात असताना पकडली. यातिल चालक रझाक काझी व त्याचा सहकारी साताब आदमापुरे यांना पकडुन पोलिसांच्या ताब्यात दिले.पुढिल कारवाइ पोलीस करत आहेत. यावेळी मोठ्या प्रमाणावर कार्यकर्ते जमा झाले होते. सदर व्यक्तींवर व यामध्ये सामिल असलेल्या दोषींवर कडक कारवाई करावी अशी मागणी हिंदुराष्ट्र सेना व श्री शिवप्रतिष्ठान हिंदुस्थान यांनी निवेदनाद्वारे केली आहे. यावेळी सागर कदम चंद्रकांत राऊळ,प्रनित दुधाने,गणेश गायकवाड,सुशिल कदम,सागर विचारे,अक्षय लाखण,सुरज शिर्के,धनंजय कणावजे, संतोष केळकर,सागर वैद्य, अजय पवार,निखिल भोसले व इतर उपस्थित होते.
