रत्नागिरी:- जिल्ह्यात कोरोना पॉझिटिव्ह रुग्ण सापडण्याच्या संख्येत हळूहळू घट होत आहे. मात्र सर्वात आनंदाची बातमी रत्नागिरी तालुकावासीयांसाठी आहे. शुक्रवारी आरटिपीसीआर तपासणीत रत्नागिरी तालुक्यात एकही रुग्ण पॉझिटिव्ह सापडला नाही. तब्बल 48 जणांनी अहवाल दिले होते आणि पहिल्यांदाच 48 पैकी 48 जणांचे अहवाल निगेटिव्ह आले आहेत.
मागील काही दिवसांपासून रत्नागिरी तालुक्यात कोरोना बाधित रुग्ण सापडण्याची संख्या मोठ्या प्रमाणावर कमी झाली आहे. गुरुवारी फक्त एक पॉझिटिव्ह रुग्ण सापडून आला होता. मात्र शुक्रवारी आलेल्या अहवालाने तालुक्याला मोठा दिलासा मिळाला आहे. सर्वाधिक रुग्ण सापडलेल्या रत्नागिरी तालुक्यात मागील चोवीस तासात एकही पॉझिटिव्ह रुग्ण सापडलेला नाही.
