प्रवाशांचा थरकाप; झाडाला धडकल्याने मोठा अनर्थ टळला
रत्नागिरी:- रत्नागिरी शहरानजीकच्या चिंचखरीकडे जाणाऱ्या काजरघाटीच्या धोकादायक वळणावर आज सायंकाळी एका एसटी बसचा अपघात होता होता टळला. तीव्र उतार आणि अरुंद वळणावर चालकाचा बसवरील ताबा सुटल्याने बस रस्त्याच्या कडेला घसरली.बस थेट दरीत कोसळणार इतक्यात रस्त्याकडील एका मजबूत झाडाला धडकून थांबली. या थरारक घटनेमुळे प्रवाशांचा थरकाप उडाला होता, मात्र सुदैवाने मोठी जीवितहानी टळली असून, काही प्रवाशी किरकोळ जखमी झाले आहेत.
प्राप्त माहितीनुसार, सदर बस रत्नागिरीहून चिंचखरीकडे जात होती. काजरघाटीचा रस्ता त्याच्या तीव्र उतार आणि वळणांसाठी ओळखला जातो. बस जेव्हा एका धोकादायक ‘हेअर पिन’ वळणावर आली, तेव्हा रस्त्याच्या कडेला अचानक आलेल्या वाहनाला वाचवण्याच्या प्रयत्नात किंवा तांत्रिक बिघाडामुळे चालकाचा नियंत्रण सुटला.
बस वेगाने डाव्या बाजूला घसरत गेली आणि काही क्षणात ती खोल दरीच्या दिशेने झुकली. प्रवाशांनी किंचाळायला सुरुवात केली. हा अपघात इतका भीषण दिसत होता की, आता काही खरे नाही, अशी भीती सर्वांना वाटू लागली.
प्रवाशांचा थरकाप उडालेला असतानाच, बस रस्त्याच्या कडेला असलेल्या एका मोठ्या आणि मजबूत झाडावर जाऊन आदळली. या झाडाला धडकल्याने बस जागेवर थांबली आणि दरीत कोसळण्याचा मोठा अनर्थ टळला. झाडामुळे बसला मोठा आधार मिळाला आणि बसमधील सर्व प्रवाशांचे प्राण वाचले. अपघातानंतर बसमधील बहुतांश प्रवासी सुखरूप होते, मात्र धडकेमुळे काही जणांना किरकोळ मुका मार लागला. अपघाताचा आवाज ऐकून आजूबाजूच्या चिंचखरी येथील ग्रामस्थांनी तातडीने घटनास्थळी धाव घेतली. कोणतेही साधने नसताना, केवळ मनुष्यबळाचा उपयोग करत ग्रामस्थांनी तातडीने बचावकार्य सुरू केले.
ग्रामस्थांच्या मदतीने तातडीने बसमधील प्रवाशांना सुखरूप बाहेर काढण्यात आले. जखमींना तात्पुरती प्रथमोपचार सुविधा उपलब्ध करून देण्यात आली. अपघाताची माहिती मिळताच पोलीस आणि स्थानिक प्रशासनाचे पथक तातडीने घटनास्थळी पोहोचले.
या अपघातात कोणतीही मोठी जीवितहानी झाली नसून, सर्व प्रवासी बलाबल बचावले आहेत. झाडामुळे प्रवाशांचे प्राण वाचले, अशी भावना अनेकांनी व्यक्त केली. काजरघाटीवरील या अपघाताने या मार्गावरील वाहतुकीच्या सुरक्षिततेचा प्रश्न पुन्हा एकदा ऐरणीवर आणला आहे.
