रत्नागिरी:- रत्नागिरीत गुरुवारी दुपारनंतर अवकाळी पावसाने हजेरी लावली. लांजा परिसरात मोठ्या प्रमाणात पाऊस पडला. गुरुवारी सायंकाळी आठनंतर रत्नागिरी शहरात पावसाने हजेरी लावली तर तालुक्यातील करबुडे गावात गारांचा पाऊस पडला.
तालुक्यातील करबुडे येथे मुसळधार पाऊस पडत असून या ठिकाणी थोड्या प्रमाणात गारा देखील पडल्या आहेत. कोकणात पाऊस पडण्याची शक्यता हवामान खात्याने वर्तवली होती ती खरी ठरली.
ढगाळ वातावरणानंतर आज गुरुवारी सायंकाळी ६.४५ च्या दरम्याने ढगांच्या गडगडाटासह अवकाळी पाऊसाने लांजा शहर परिसराला झोडपून काढले. यावेळी गारांचीही बरसात झाली
दरम्यान, दुपारी ३ वाजण्याच्या दरम्याने तालुक्याच्या पूर्व भागातील शिपोशीसह अन्य गावांना अवकाळी पावसाने झोडपून काढले. ढगांच्या गडगडाटासह अवकाळी पाऊस अर्धा तास बरसला. यावेळी गारांची बरसातही झाली. दरम्यान अवकाळी पावसामुळे आंबा, काजू बागायतदार चिंतेत सापडला आहे.
विजांच्या कडकडाटासह रत्नागिरी तालुक्यात पावसाची सुरवात झाली.आंबा बागायतदार व्यापारी मोठ्या संकटात सापडले आहेत.
