संगमेश्वर:- मुंबई- गोवा महामार्गावरील धामणी येथे दोन कारमध्ये झालेल्या अपघातात १२ जण किरकोळ जखमी झाले. ही घटना शनिवारी सायंकाळी ४.३० वाजण्याच्या सुमारास घडली.
गणपतीपुळेहून चिपळूणकडे जाणाऱ्या इको गाडीची पुणे-भोर येथून गणपतीपुळेकडे येणाऱ्या नेक्सॉन गाडीला धडक बसली. या अपघातात दोन्ही गाडीमधील १२ जण किरकोळ जखमी झाले. ईको गाडी मधील महेंद्र प्रकाश थोरवे, दीप्ती महेंद्र थोरवे, ऋतिका रमेश उपाध्ये, नेहा रमेश पांडे, नित्यानंद फाटक, मोहित फाटक, सत्यजित थोरवे, सुमित फाटक तसेच नेक्सॉन गाडी मधील छाया संतोष शिनगरे , अविनाश ओंकार शिनगारे, नीता मंगेश शिनगरे, मंगेश अनंत शिनगारे अशी या अपघातामधील किरकोळ जखमी झालेल्यांची नावे आहेत. अपघातामध्ये जखमी झालेल्या रुग्णांना ग्रामीण रुग्णालय संगमेश्वर येथे उपचारसाठी दाखल करण्यात आले.
