खेड:- जमिनीचे काम करून देण्याचे आमिष दाखवत चिंचघर- वेताळवाडी येथील एकाकडून ६ लाख ५० हजार स्वीकारल्याप्रकरणी गुन्हा दाखल झालेल्या भूमी अभिलेख कार्यालयातील अधिकाऱ्यासह कर्मचाऱ्यास येथील न्यायालयाने अंतरिम अटकपूर्व जामीन मंजूर केला आहे.
जुलै २०२१ ते जानेवारी २०२३ या कालावधीत शिवानंद टोपे, सायली धोत्रे या संशयितांनी जमिनीचे काम करून देण्याच्या आमिषापोटी ६ लाख ५० हजारांची मागणी करत व मागणी पूर्ण न केल्यास जमिनीच्या कामावर परिणाम होईल, अशी तंबी देत दोघांनीही रक्कम स्वीकारल्याचे फिर्यादीने तक्रारीत नमूद केले होते. त्यानुसार गुन्हा दाखल करण्यात आला होता.
