उद्योजक सौरभ मलुष्टे वाढदिवसानिमित्त आयोजन
रत्नागिरी:- उद्योजक सौरभ मलुष्टे यांच्या वाढदिनानिमित्त प्रभाग क्रमांक पाचमध्ये नवा उपक्रम सुरू करण्यात आला आहे. 1 ऑक्टोबर रोजी शहरातील प्रभाग क्रमांक पाच मधील 30 जणांना प्रभाग रत्न पुरस्कार देऊन गौरव करण्यात आला. विविध क्षेत्रात कार्यरत असणाऱ्या रत्नांचा शोध घेऊन त्यांना यावेळी सन्मानित करण्यात आले.
1 ऑक्टोबर रोजी उद्योजक सौरभ मलुष्टे यांचा वाढदिवस सोहळा साजरा करण्यात आला. यावेळी प्रथमच प्रभागातील कर्तृत्ववान व्यक्तींना प्रभाग रत्न पुरस्कार देऊन सन्मानित करण्याचा नवा पायंडा सुरू करण्यात आला. साळवी स्टॉप येथील स्वामी समर्थ मंगल कार्यालय येथे हा सोहळा पार पडला. या कार्यक्रम सोहळ्याला जेष्ठ उद्योजक आण्णा सामंत, उद्योजक किरण सामंत, शिंदे गटाचे जिल्हाध्यक्ष राहुल पंडित, सतीश शेवडे, महेश उर्फ बाबू म्हाप, बिपिन बंदरकर, राजन शेट्ये आदी मान्यवर उपस्थित होते.
यावेळी प्रभाग क्रमांक पाच मधील वकील, डॉक्टर, शिक्षक, क्रीडा शिक्षक, उद्योजक, बांधकाम व्यावसायिक, नाट्यक्षेत्र आणि सामाजिक क्षेत्रात कार्यरत असलेल्या 30 जणांचा प्रभाग रत्न पुरस्कार देऊन सन्मानित करण्यात आले. यामध्ये श्री. शांताराम उर्फ आप्पा सावंत, श्री. प्रविण मलुष्टे, श्री.शफीशेठ काझी, डॉ. कृष्णा पेवेकर, डॉ. शैलेंद्र भोळे, डॉ. श्रीनिवास कुंभारे, डॉ. निलेश शिंदे, श्री. दत्तप्रसाद कुलकर्णी, श्रीमती सुचीता देसाई, श्री. श्रीकृष्ण दळी, श्री. समीर इंदुलकर, श्री. दिपक देसाई, श्री. प्रफुल्ल घाग, श्री. प्रदिप साळवी, श्री. के. एस. पोवार, श्री. शब्बीर बोरकर, श्री. प्रकाश जाधव, अ‍ॅड. विठ्ठल उर्फ नंदू गद्रे, श्री. विपुल सुर्वे, श्री. रविंद्र साळवी, श्री. गौरव सावंत, श्री. गौरांग आगाशे, श्री. चंद्रशेखर जोशी, श्री. मंदार हेळेकर, श्री. सचिन वहाळकर, श्री. सुहास ठाकुर देसाई, श्री. शाश्वत मानकर, श्री. सुनील शिवलकर, श्री.राकेश बेर्डे यांच्यासह मराठी पत्रकार परिषद आणि मराठी पत्रकार संघ या दोन पत्रकार संघटनांचा विशेष पुरस्कार देऊन सन्मानित करण्यात आले.
