रत्नागिरी:- देवरुख येथे नोकरी लागत नसल्याच्या नैराश्येतून तरुणाने विष प्राशन केल्याचा प्रकार समोर आला आहे. सादिक आसिफ बोदले (२१, रा, देवरुख, ता. संगमेश्वर) असे या तरुणाचे नाव आहे.
उपचारासाठी त्याला जिल्हा शासकीय रुग्णालयात दाखल केले होते. या ठिकाणी त्याची प्रकृती बिघडल्याने अधिक उपचारासाठी त्याला कोल्हापूर येथे हलविण्यात आले आहे. सादिक याने २० जून रोजी सायंकाळी ६ वाजण्याच्या सुमारास विषारी द्रव्य प्राशन केले. यावेळी त्याला अस्वस्थ वाटू लागल्याने त्यांच्या नातेवाईकांनी त्याला तत्काळ देवरुख ग्रामीण रुग्णालयात दाखल केले होते. त्यानंतर जिल्हा रुग्णालयात दाखल करण्यात आले होते. मात्र त्याच्या प्रकृतीत सुधारणा होत नसल्याने अधिक उपचारासाठी कोल्हापूर येथे हलविण्यात आले आहे. या प्रकरणी जिल्हा रुग्णालयाच्या पोलीस चौकीत नोंद करण्यात आली आहे.
