अर्ज न करण्याचे पर्यटन महामंडळ रत्नागिरी तर्फे आवाहन
रत्नागिरी:- कोणीतरी अज्ञात व्यक्ती महाराष्ट्र पर्यटन विकास महामंडळाच्या बोगस लेटर हेडचा व शिक्क्याचा वापर करुन काही उमेदवारांना नोकरी बाबतची नियुक्ती पत्रे देत असल्याचा प्रकार उघड झाला आहे. मात्र या फसवणुकीची दाखल एमटीडीसी चे प्रादेशिक व्यवस्थापक दीपक माने यांनी घेत ती जाहिरात बोगस असल्याचे स्पष्ट केले आहे.
यावर बोलताना श्री माने म्हणाले की, महाराष्ट्र पर्यटन विकास महामंडळ कोकण विभाग यांचेमार्फत कोणत्याही पध्दतीची नोकर भरती जाहिरात प्रसिध्द केली नाही व कोणत्याही उमेदवारांची नियुक्ती देखील महाराष्ट्र पर्यटन विकास महामंडळ कोकण विभागाकडून केलेली नाही. अज्ञातामार्फत गरजू उमेदवारांना गाठून अशा बोगस नियुक्ती पत्राआधारे गरजू उमेदवारांची आर्थिक व मानसिक फसवणूक होण्याची शक्यता नाकारता येत नाही.
तरी अशा बोगस नियुक्तीपत्रांना व जाहिरांतीना बळी पडू नये. ज्या उमेदवारांची फसवणूक झाली असेल त्यांनी संबंधिता विरुध्द तक्रार दाखल करावी, व याबाबत काही आवश्यक माहिती हवी असल्यास प्रादेशिक कार्यालय मपविम रत्नागिरी कोकण विभाग, जिल्हधिकारी कार्यालय आवार, ए विंग, पहिला मजला, जयस्तंभ, रत्नागिरी येथे संपर्क साधावा असे आवाहन केले आहे.
