चोवीस तासात पुन्हा 23 पॉझिटिव्ह तर 165 अहवाल निगेटिव्ह
रत्नागिरी:- मागील चोवीस तासात पुन्हा 23 जणांना कोरोनाची लागण झाली आहे. मागील तीन दिवसात जिल्ह्यात 67 रुग्ण सापडल्याने रत्नागिरीकरांच्या चिंतेत थोडी वाढ झाली आहे. दिवाळीनंतर कोरोना बाधित रुग्ण सापडण्याचे प्रमाण काही प्रमाणात वाढल्याचे दिसून येत आहे.
मागील 24 तासात 165 जणांचे अहवाल निगेटिव्ह आले आहेत. मागील चोवीस तासात एकाही रुग्णाचा उपचारा दरम्यान मृत्यू झालेला नाही ही मात्र दिलासादायक बाब ठरली आहे. जिल्ह्यात सद्यस्थितीत 120 रुग्ण उपचाराखाली आहेत.
वाढलेली रुग्णसंख्या रत्नागिरीकरांची चिंता वाढवणारी आहे. नव्याने 23 रुग्ण सापडल्याने जिल्ह्यात आतापर्यंत 8 हजार 733 पॉझिटिव्ह रुग्ण सापडले आहेत. मागील चोवीस तासात 165 जणांचा अहवाल निगेटिव्ह आला आहे. आता पर्यंत 54 हजार 144 जणांचा अहवाल निगेटिव्ह आला आहे.
चोवीस तासात 24 रुग्ण बरे झाले असून आता पर्यंत 8 हजार 233 जण कोरोनामुक्त झाले आहेत. मागील चोवीस तासात जिल्ह्यात कोरोनाने एकाही रुग्णाचा मृत्यू झालेला नाही. जिल्ह्यात कोरोना बळींची संख्या 319 असून जिल्ह्यात रिकव्हरी रेट 94.27 टक्के आहे.
