रत्नागिरी:- मद्याच्या नशेत टेम्पो निष्काळजीपणे चालवून अपघात करुन सार्वजनिक ठिकाणी शांततेचा भंग करणाऱ्या टेम्पो चालकाविरुद्ध शहर पोलिस ठाण्यात गुन्हा दाखल करण्यात आला आहे. आकाश निवास देसाई (२८, रा. खंडोबा तालीम, शिवाजी पेठ, ता. करवीर, जि. कोल्हापूर) असे संशयित टेम्पो चालकाचे नाव आहे. ही घटना शुक्रवारी (ता. ७) रात्री साडेआठच्या सुमारास रत्नागिरी ते मारुती मंदिर जाणाऱ्या रस्त्यावर एका बारच्या सुमोर घडली.
पोलिसांकडून मिळालेल्या माहितीनुसार संशयित हा मद्य प्राशन करुन टेम्पो (क्र. एमएच-०९ ई एम ८४२१)घेऊन मारुतीमंदिरकडे जात असताना टेम्पो निष्काळजीपणे चालवून पार्क केलेली दुचाकी (क्र. एमएच-०८ बीबी ३९४६) ला धडक देवून अपघात केला. तसेच मद्याच्या नशेत सार्वजनिक ठिकाणी उभे राहून आरडा-ओरडा करुन शांततेचा भंग केला. या प्रकरणी पोलिस शिपाई रोहन गमरे यांनी शहर पोलिस ठाण्यात तक्रार दिली. तक्रारीवरुन पोलिसांनी संशयित टेम्पो चालकाविरुद्ध गुन्हा दाखल केला आहे.
