रत्नागिरी:- जिल्ह्यात मागील 24 तासात जिल्ह्यात 324 पॉझिटिव्ह रुग्ण सापडले आहेत. यातील 199 रुग्ण आरटीपीसीआर चाचणी केलेले तर 125 रुग्ण अँटीजेन चाचणी केलेले आहेत. 324 नवेे रुग्ण सापडल्याने जिल्ह्यातील कोरोना बाधित रुग्णसंख्या 23 हजार 626 झाली आहे. आज जिल्ह्यात 17 जणांचा उपचारादरम्यान मृत्यू झाला आहे.
मागील 24 तासात जिल्ह्यात रुग्णसंख्या कमी झाल्याने दिलासा मिळाला आहे. नव्याने आलेल्या आकडेवारी नुसार जिल्ह्यात 324 जणांना कोरोनाची लागण झाली आहे. जिल्ह्यातील पॉझिटिव्ह रुग्णांची संख्या आता 23 हजार 626 जाऊन पोहचली आहे. रविवारी आलेल्या अहवालात 199 रुग्ण आरटीपीसीआर चाचणीत तर 125 रुग्ण अ‍ॅन्टीजेन चाचणीत पॉझिटिव्ह सापडले आहेत. मागील चोवीस तासात 699 कोरोना अहवाल निगेटिव्ह आले असून आतापर्यंत 1,30,816 जणांचा अहवाल निगेटिव्ह आला आहे.
मागील चोवीस तासात जिल्ह्यात कोरोनाने तब्बल 17 रुग्णांचा बळी गेला असूूून जिल्ह्यात कोरोना बळींची संख्या 698 इतकी आहे. जिल्ह्यात मृत्यूचे प्रमाण 2.95 % आहे. आज जिल्ह्यात 386 जण कोरोनामुक्त झाले असून आतापर्यंत एकूण 16391 हजार जण कोरोनामुक्त झाले आहेत. कोरोना रिकव्हरी रेट 69.37 टक्के आहे.
जिल्ह्यातील आज सापडलेल्या 324 पॉझिटिव्ह रुग्णांमध्ये रत्नागिरी तालुक्यातील 186, दापोली 21, खेड 4, गुहागर 15, चिपळूण 19, संगमेश्वर 43, राजापूर 16 आणि लांजा तालुक्यात 20 रुग्ण सापडले आहेत. जिल्ह्यात कोरोना संक्रमित होण्याचे प्रमाण 15.29% आहे.
