रत्नागिरी:-जिल्ह्यात मागील 24 तासात 218 पॉझिटिव्ह रुग्ण सापडले आहेत. तर यापूर्वीचे 6 आणि 24 तासातील 5 अशा अकरा जणांचा मृत्यू झाला आहे. अकरा जणांच्या मृत्यूमुळे जिल्ह्यात कोरोना बाधित मृतांचा आकडा 1 हजार 952 इतका झाला आहे.
नव्याने 218 पॉझिटिव्ह रुग्ण सापडल्याने जिल्ह्यात आतापर्यंत 68 हजार 543 रुग्ण सापडले आहेत. मागील 24 तासात 3 हजार 915 जणांचा अहवाल निगेटिव्ह आला आहे. आता पर्यंत 4 लाख 64 हजार 758 जणांचा अहवाल निगेटिव्ह आला आहे.
24 तासात 180 रुग्ण कोरोनामुक्त झाले असून आतापर्यंत 62 हजार 882 जण कोरोनामुक्त झाले आहेत. जिल्ह्यात कोरोनामुक्तीचे प्रमाण 91.74 टक्के आहे. नव्याने 11 मृत्यू झाले असून मृत्यूचे प्रमाण 2. 85 टक्के आहे.
